iPhone 7未出机先恐慌!20万人要求保留耳机接口

文章   2020-06-07  阅读 114 次
iPhone 7未出机先恐慌!20万人要求保留耳机接口

最近香港人成日要联署,希望外国势力介入处理政治问题,而美国嗰边今个星期都有项联署签名数升劲快。有睇今朝报导就知iPhone 7有机会不设3.5mm耳机接口,大量用户担心自己用开对耳机就此报废,于Sum of Us强烈要求Apple放下屠刀,短短三、四日即冲破20万关口。

发起人提出两大反对理据,首当其冲梗係钱银问题。3.5mm接口係全世界耳机通用标準,此举不单令真金白银买嘅耳机化成废物,更加焗住佢哋额外使钱买新货;其次为环境问题:成千上万旧耳机将被丢弃,产生大量电子垃圾,情况如早年iPod改用新基座接口。

佢认为Apple如果真係尊重客户意愿、爱惜地球,绝不应该删除耳机接口,呼吁有同感嘅人留名,以群众力量迫使Apple改变决定。笔者完稿时,签名数字已破204,000。朋友何必咁激动呢?删耳机接口係未经证实嘅消息,再者Apple冇事前知会就删过好多嘢,以12吋MacBook为例,整部电脑删净1个USB Type-C,一样大卖;况且到时实有大把转插畀用户拣,又唔使咁快就嗌定揼耳机咁严重嘅。